საქართველოს სახელმწიფო ენის მასწავლებელთა ასოციაცია

საქართველოს სახელმწიფო ენის მასწავლებელთა ასოციაციამ (სსემა) კონკურსის გამარჯვებულები დააჯილდოვა

სსემამ ახალი სასწავლო წლის დასაწყისში არაერთი კონკურსი დაანონსა, რომლის ფარგლებშიც მრავალი სკოლის მოსწავლე და მასწავლებელი იღებდა მონაწილეობას. ორი მნიშვნელოვანი კონკურსის საფინალო ეტაპზე 20-ზე მეტი სკოლა იყო აქტიურად ჩართული. სსემამ სწორედ ამ სკოლებს უმასპინძლა საპარლამენტო ბიბლიოთეკაში გამართულ ღონისძიებაზე. შეხვედრას ესწრებოდნენ მწერალთა კავშირის თავმჯდომარე ბაღათერ არაბული, საქართველოს პარლამენტის ეროვნული ბიბლიოთეკის დეპარტამენტის დირექტორის მოადგილე გიორგი კილაძე, ჟურნალისტი, პოეტი, მსახიობი, მწერალთა კავშირის წევრი სოფო ღლონტი და ახალგაზრდა პოეტი, ჟურნალისტი და ქართული ენისა და ლიტერატურის მასწავლებელი თორნიკე ჭელიძე.

შეხვედრის მთავარი კონცეფცია მიეძღვნა ბარათაშვილის 200 წლის იუბილეს. როგორც იცით, ,,იუნესკომ“ ნიკოლოზ ბარათაშვილის საიუბილეო თარიღი საერთაშორისო მნიშვნელობის კულტურული მოვლენების ნუსხაში შეიტანა. ერთ-ერთი კონკურსი, სახელწოდებით ,,მითხზავს გვირგვინსა დიდებისას მე თვითონ ბედი.., ჟამი ჩემია და ჟამისა მე ვარ იმედი!“ - ბარათაშვილის შემოქმედების პოპულარიზაციასა და მოსწავლეთა ანალიზის, შეფასებისა და კრიტიკული აზროვნების უნარების განვითარებას ისახავდა მიზნად. მოსწავლეები ორი ძირითადი მიმართულებით მუშაობდნენ: მწერლის ბიოგრაფია და მის შემოქმედებასთან დაკავშირებული დღეს არსებული პრობლემების ანალიზი.

ღონისძიებას ესწრებოდნენ არაქართულენოვანი სკოლების მოსწავლეებიც. ისინი ჩართულები იყვნენ კონკურსში ,,ეს საქართველოა“ - რომლის მიზანსაც ეთნიკური უმცირესობების წარმომადგენელი მოსწავლეების ჩართულობისა და ინტეგრაციის გაზრდა წარმოადგენდა. კონკურსის ფარგლებში მონაწილეებს უნდა წარმოეჩინათ საქართველო, როგორც კულტურული, ისე ტრადიციული ღირებულებების გათვალისწინებით. ამ პროექტში გამოვლინდა ორი გამარჯვებული სკოლა: ხოჯორნისა და ზემო ოროზმანის საჯარო სკოლები (მარნეულის მუნიციპალიტეტი).

გამარჯვებულ სკოლებს გადაეცათ წიგნის მაღაზია სანტა ესპერანსას 100, 50 და 30 ლარიანი ვაუჩერები , სიგელები და სამახსოვრო საჩუქრები ასოციაციისგან .

,,მითხზავს გვირგვინსა დიდებისას მე თვითონ ბედი.., ჟამი ჩემია და ჟამისა მე ვარ იმედი!“კონკურსის გამარჯვებულებები :

1-ლი ადგილი --ქალაქ თბილისის # მე-10 საჯარო სკოლა

თამუნა მინდიაშვილი

ვერიკო ტატიშვილი

მასწავლებელი - შორენა ბერელიძე

http://baratashvilitato.blogspot.com/

1-ლი ადგილი --ქალაქ თბილისის # მე-10 საჯარო სკოლა

ნანა გაფრინდშვილი

საბა ხუციშვილი

ნათია გაბინაშვილი

თათია ტაბატაძე